هام قبل شراء طابعه

لو بتفكر تشتري طابعه لازم تسمع الكلمتين دول:

✅لما تختار الطابعه اختارها علي اساس حجم شغلك الشهري .

✅اشتري الطابعات الليزر وبلاش الطابعات الانك جيت علشان بتنشف وحبرها بتمن المكنة

✅مفيش ماركة طابعات وحشه ولكن في ماركه ملهاش قطع غيار وفني فاهم وحبر متوفر فنطاق إقامتك

✅اشهر ماركات ليها قطع غيار واحبار فمصر رخيصه HP , Canon, وبعض موديلات الريكو وبعض موديلات السامسونج

✅عادي انك تلاقي الحبارات مليانه عند التاجر أو الحبارة هاي كوبي اهم حاجة تكون مليانه حبر وجودتها كويسه وخصوصا الالوان لأن قيمه الطابعات الالوان فقيمة الحبر اللي فيها أما الطابعات الاسود فعادي جدا تشتري الحبارة فيها حبر قليل لأن الحبر بتاعها رخيص جدا

✅عداد الطابعات الصغيرة لا يعبر بالضرورة عن حاله المكنة فأغلب المكن الليزر يطبع مئات الآلاف من الورق فأنك تلاقي مكنة عامله 100 الف مثلا عادي جدا اهم حاجة حالتها وصوتها وكفاءة عملها

✅ اهم حاجة اختار الشركة اللي هتشتري منها ودي يمكن اهم نقطه لازم تتأكد أن ليها مكان وسمعه جيدة وسياسية مرتجعات وضمان واضحة .

✅ السعر مش دليل علي اي حاجة ، بس قالوا زمان الغالي ثمنه فيه ، متسترخصش ، اكيد الغالي عنده حاجة إضافية وهتفهم قيمتها لما ترجع للشركة في خدمة أو عطل أو استشارة

✅لو انت مكتبه اشتري زيروكس وهتدعيلي مع العلم احنا مش بنبيعها

✅ مشكل الطابعات اللي بشريحة وحشة مادامت الشريحة موجودة ورخيصة

✅ الشريحة هي رقاقه الكترونيه بتحصيي عدد الورق المطبوع ثم تتوقف عن العمل وفي بعض الموديلات تطلب تغيرها والا تسببت في إيقاف عمليه الطباعه وبعض الموديلات لا تحتاج تغيرها ولا تؤثر علي عمليه الطباعه

✅ كل الطابعات الالوان بشريحة فكل الماركات

✅اوعي تشتري ليكسمارك والا برازر أو كيوسيرا

✅ متعملش ناصح وتقعد تسأل طوب الارض وانت مش فاهم لأن حيرتك هتزيد وفالاخر هيتضحك عليك لأن ببساطه هتدور علي احسن جودة بأقل سعر وللاسف دي حاجة مستحيله فوقتنا الحالي

✅ اشتريت والحمد لله ، مبروك يا سيدي ، بطل تسأل بقي عن الحاجة اللي اشتريتها علشان متتعبش نفسيا واستمتع بيها وربنا يباركلك